Ј.П.”Охридски Комуналец”-Охрид ги известува граѓаните на Општина Охрид дека на ден 01.12.2012 год.(сабота) ќе организира акција за подигање на зелен отпад од уредување на дворни површини и градини (гранки, трева, жива ограда и др.) од населба „Видобишта„ .

Се молат граѓаните кои живеат на споменатите делови од градот доколку имаат ваков отпад да го уредно да го депонираат најкасно до 10.00 часот и претходно да го пријават во Р.Е.”Механизација” на тел.046/265-353 со наведување на локацијата, за да може Ј.П.”Охридски Комуналец” благовремено да го подигне.

Поради нискиот водостој на Охридското Езеро и натрупаните наноси од муљ покрај градскиот кеј, денеска од раните утрински часови екипите на Ј.П.„Охридски Комуналец„ спроведоа акција за чистење на локацијата во близина на холандскиот парк.

Наталожениот муљ со специјална механизација се багероваше и подигаше од езерските води при што се подигнати и транспортирани 25 м3 муљ.

Овие активности спаѓаат во делот „вонредни активности„ и се спроведуваат согласно Програмата за работа за 2012 год.

Ј.П.”Охридски Комуналец”-Охрид ги известува граѓаните на Општина Охрид дека на ден 24.11.2012 год.(сабота) ќе организира акција за подигање на зелен отпад од уредување на дворни површини и градини (гранки, трева, жива ограда и др.)  во населбите „Воска„ и „Даљан„ .

          Се молат граѓаните кои живеат на споменатите делови од градот доколку имаат ваков отпад да го уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да може Ј.П.”Охридски Комуналец”  благовремено да го подигне.

Со одминувањето на есента, и ангажманот на екипите на Јавна хигиена и Јавно зеленило е интензивиран со активностите за собирање на паднатите лисја. Паднатиот лист се собира од јавно-прометните површини, како и од зелените површини, притоа рачното метење е надополнето со машинско метење. Дневно се собира околу 30 кубици лист од тротоарите, коловозите и парковите.  Со максимална ангажираност и динамика , и во наредните денови вонредните активности ќе бидат ориентирани кон подигање на паднатиот лист од централното подрачје и периферните делови на градот.

Деновиве екипите на „Паркови и зеленило„ ги разубавуваат парковите во градот, заменувајќи ја летната цветна реколта со цветен саден материјал од видот viola (очиња) и dianthus (каранфилчиња). Превидено е во парковите на територијата на општина Охрид да се засадат околу 7.500 садници очиња и 2.500 каранфилчиња, кои се од сопствено производство од топлите леи на расадникот.Со овие видови на актуелно сезонско цвеќе парковите ќе го добијат својот сјај и весели бои во есенско-зимскиот период.

            Ј.П.”Охридски Комуналец”-Охрид ги известува граѓаните на Општина Охрид дека на ден 17.11.2012 год.(сабота) ќе организира акција за подигање на зелен отпад од уредување на дворни површини и градини (гранки, трева, жива ограда и др.)  во населбите „Христо Узунов„ , „Карaбегомала„ и „Горна Влашка Мала„ .

          Се молат граѓаните кои живеат на споменатите делови од градот доколку имаат ваков отпад да го уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да може Ј.П.”Охридски Комуналец”  благовремено да го подигне.

Заради подобрување на степенот на хигиена на територијата на општина Охрид, Ј.П.„Охридски Комуналец„ од 12.11.2012 год.(понеделник) ја зголемува динамиката на подигање на комуналниот отпад од улици од кои досега се подигаше отпадот само еднаш, а сега ќе се подига два пати неделно, и тоа:

понеделник и четврток :        Богомилска, Караорман, Марко Нестороски, Петрино,    

                                                Веле Марков, Кленоец, Железничка, Крали Марко;

вторник и петок:                     Питу Гули, 15-ти Корпус, Александар Турунџев,

                                                 Мирка Гинова, Ѓорѓи Сугаре;

среда и сабота:                       Абас Емин, с.Рача, с.Д.Лакочереј и с.Г.Лакочереј;

 Кај дел од овие улици веќе се подигаше комуналниот отпад два пати неделно, а сега ќе бидат опфатени и помалите сокачиња и пристапни улици.     

          Ј.П.”Охридски Комуналец”-Охрид ги известува граѓаните на Општина Охрид дека на ден 10.11.2012 год.(сабота) ќе организира акција за подигање на зелен отпад од уредување на дворни површини и градини (гранки, трева, жива ограда и др.)  во населба „Гоце Делчев„ .

           Се молат граѓаните кои живеат на споменатите делови од градот доколку имаат ваков отпад да го уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да може Ј.П.”Охридски Комуналец”  благовремено да го подигне.

Патрониот празник „7-ми Ноември„ Ј.П.Охридски Комуналец го прослави со низа свечености и активности. Одбележувањето на празникот започна во  понеделникот (05.11.2012 год.) со одржување на хуманитарно продажна изложба на фотографии од Проектот „ Охрид-град на цвеќето 2012„ од авторот Петар Боев.  Изложбата се покажа повеќе од успешна, а средствата од продадените слики беа донирани во опремувањето на новите простории од детската градинка „Јасна Ристеска„.

Денес на свечен начин беше промовиран новиот парк позади црквата „Света Софија„. Овој простор кој беше запоставен, сега доби сосем друг лик. Целата површина е реконструирана, засадени се трева и украсни садници, а поставени се патеки, корпи, клупи и рефлектори.

Празнувањето продолжи во административните простории на претпријатието каде се доделени 27 јубилејни награди за 35, 25, 20 и 10 години непрекината работа на вработени. Беа доделени и 12 благодарници на наши деловни партнери кои  во изминатава година ја потпомогнаа и афирмираа работата на јавното претпријатие. За прв пат оваа година  доделени се награди за најуспешни работници од секоја работна единица, при што се даделени 6 награди за покажан успех и залагање во изминатата година.

                                                  доделување на јубилејни награди и благодарници

                                         свечено промовирање на паркот позади „Света Софија„

                                          донирање на собраните средства во градинката „Јасна Ристеска„

                                         одржување на хуманитарно продажна изложба

Хуманитарно продажната изложба на фотографии од проектот „Охрид-град на цвеќето 2012„ од авторот Петар Боев која вчера се одржа во лаунџ бар „Објектиф„. предизвика голем интерес кај нашите сограѓани, кои во огромен број ја посетија и уште еднаш докажаа дека имаат хумано срце.

Ј.П.„Охридски Комуналец„ изразува голема благодарност до сите присутни и сите кои со купената фотографија ќе го разубават детството на нашите најмали сограѓани со опремување на новите простории на детската градинка „Јасна Ристеска„.