Во рамките на Програмата за работа на Ј.П.„Охридски Комуналец„ за 2015 год. е дефинирано и одржувањето на јавната чистота и јавното зеленило во приградските населби и села, каде по однапред запазена динамика се одржуваат јавните површини и хортикултурно се уредуваат зелените површини.

Во согласност со овие активности  се расчисти с.Подмоље каде се искоси тревата покрај коловозните ленти и пешачки патеки, се подигна расфрланиот ситен отпад, а потоа се изврши темелно метење на јавните површини. 

Екипите на „Паркови и зеленило„ поставуваат систем за наводнување во градскиот парк на потегот од Холандскиот Парк до мостот кај каналот Студенчишта. Со зафатов и овој дел од градскиот парк автоматски ќе се наводнува што претставува главен предуслов за континуирана одржливост на зелените површини.

Во тревните површини и делот околу детското игралиште кое во иднина ќе се прошири ќе се постави 150 м. систем за наводнување.

             Ј.П.”Охридски Комуналец”-Охрид ги известува граѓаните на Општина Охрид дека на ден 19.09.2015 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) во У.З. 8„Билјанини Извори„

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

По налог на општинскиот инспекторат екипите на Ј.П.“Охридски Kомуналец„ го расчистија просторот кој се наоѓа во близина на станбените згради лоцирани на влезот во Охрид, на ул.„Булевар Туристичка„.

Поради големата површина на целиот простор се работеше два дена и искосена е тревната површина, а дивото зеленило (жбунови, трње и др.) е отстрането  машински .

             Ј.П.”Охридски Комуналец”-Охрид ги известува граѓаните на Општина Охрид дека на ден 12.09.2015 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) вo реонот опфатен со границите на улиците „Македонски Просветители„ , „Партизанска„ , „Димитар Влахов„ , „Кеј Македонија„   и нас.„Охридати„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Како почетна фаза на инфраструктурниот проект кој локалната самоуправа  го реализира за формирање на кружен тек на пресекот на ул.„Булевар Туристичка„ и ул.„Македонски Просветители„,  екипите на Ј.П.„Охридски Комуналец„ денеска ги отстранија четирите  липи кои беа засадени на пешачкиот остров во  близина на оваа сообраќајница.

Акцијата започна од раните утрински часови во координација со сообраќајната полиција. Беа ангажирани вработени од Р.Е.„Паркови и зеленило„ кои ги сечеа дрвјата со моторна пила,  специјално возило ИЦБ за отсранување на корењата,  подигнување на пресечените дрвја, две специјални возила за транспорт на пресечените стебла и крошните од дрвјата. 

Во оваа седмица екипите на „Паркови и зеленило„ хортикултурно го уредија дворот на ДУТУ.„Ванчо Питошески„ како и зелената површина на кејот во близина на училиштето. Засадено е сезонско цвеќе и декоративни грмушки.

Во рамките на Програмата за одржување на јавна чистота за 2015 год., во овој период секојдневно се реализираат активности за расчистување на крајбрежниот појас покрај кејот, на потегот од х.Палас до х.Милениум каде се наталожуваат наноси од реса, трска, муљ и комунален отпад.

Се коси тревниот дел покрај коловозот на патот кој води до Спомен-паркот на Револуцијата

Се искоси тревниот дел кај станбените згради на влезот во Охрид

Согласно испланираниот работен календар за 2015 год., Ј.П.”Охридски Комуналец”-Охрид во месеците септември и октомври ќе ги реализира акциите од есенскиот циклус за подигнување кабаст отпад на територијата на општина Охрид. Акциите ќе се реализираат секоја работна сабота ро различен реон од градот за што граѓаните тековно ќе ги информираме преку средствата за јавно информирање. Распоредот на акциите е табеларно прикажан во календарот за 2015 год.

               Ј.П.”Охридски Комуналец”-Охрид ги известува граѓаните на Општина Охрид дека на ден 05.09.2015 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) во У.З.1 „Стар Град„ .

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Екипите на „Паркови и зеленило„ го уредија хортикултурно новиот плоштад кај музичкото училиште „Методи Патчев„. Активностите околу уредувањето на зеленилото се реализираа етапно и беа опфатени повеќе зелени катчиња на овој локалитет.

Се уредија зелените површини на  влезот во плоштадот од страна на сообраќајницата на пресекот на ул.„Булевар Туристичка„ и „Јане Сандански„: се реконструираа површините со нанесување на нов слој на плодна земја, се постави систем за наводнување,  декоративен камен и се засадија декоративни зимзелени грмушки.

Се формираа зелени појаси околу дрворедот по ул.„Булевар Туристичка„ каде се формираа цветни леи со претходно поставен систем за наводнување на принципот „капка-по-капка„ и поставени се железни огради.

Поставени се стилски дрвени жардињери каде се засадени зимзелени борчиња и ниски грмушки околу нив.

Околу фонтаната е нанесен плоден слој од земја и засадено е сезонско цвеќе.

Екипите на „Јавна хигиена„ денес го расчистуваа просторот во близина на плажата „Горица 3„ -паркинг просторот и пристапните патеки. Од паркингот и од тревниот дел околу пристапните патеки се расчисти расфрланиот комунален отпад (пластични шишиња, картонска амбалажа, најлон кеси и др.)

Исто така расчистен е просторот во нас.Сфети Стефан, тревниот дел на потегот  опфатен со магистралниот пат Охрид-Св.Наум и крајбрежните објекти во оваа населба. Овие активности се реализираа по налог на општинскиот инспекторат.

По силното невреме кое го зафати источниот дел од охридското крајбрежје во саботата, нашите екипи три дена ги расчистуваа наносите од земја, песок и чакал по јавните површини во с.Пештани, а денес се расчистуваше во с.Елшани.

Пред почетокот на охридскиот пливачки маратон, во текот на утрешниот ден 3 комунални работници ќе го расчистуваат пристаништето во Свети Наум. Од езерските води околу пристаништето ќе се расчисти натрупаниот отпад, ресата и трската.