Category Archives: АКТУЕЛНО

Дополнително ангажирани екипите на Ј.П. Охридски Комуналец

Во изминативе денови екипите на “Јавна хигиена” при “Ј.П. Охридски Комуналец” беа дополнително ангажирани со уредување и чистење на улиците и парковите во тек на раните утрински часови, како и преку целиот ден после забавите и концертите, како последица на големиот број на гости во градот. Беа собрани големи количини на пластични шишиња, хартија и друг вид на отпад, како во центарот на градот така и на плажата парк. Беше исчистен и градскиот стадион по договор со јавното претпријатие “Билјанини Извори”.

FotorCreated FotorCreated1 FotorCreated2 FotorCreated3

 

 

Чистење во школо св. Климент во населба Далјан

Екипите на “Јавна хигиена” при “Ј.П. Охридски Комуналец” беа вонредно ангажирани за подигање на дива депонија создадена од несовесни граѓани во дворот на основното училиште “Св. Климент Охридски” во населбата “Далјан”. Беа подигнати големи количини на кабаст отпад, пластичен отпад и депонирани електрични апарати.FotorCreated

“Ј.П. Охридски Комуналец” повторно со апел до граѓаните да не создаваат депонии, туку да го депонираат отпадот на локациите одредени за тоа, а доколку имаат кабаст отпад да се информираат за деновите кога нашите екипи поминуваат за собирање на истиот.

Од активностите на Ј.П. Охридски Комуналец

Во изминативе неколку дена екипите на “Ј.П. Охридски Комуналец” беа ангажирани  со косење на трева и чистење на улиците и тротоарите од зараснатите трње на неколку локации.

Беше исчистен патот према плажите каде што беа исечени гранките кои висеа над тротоарите и беше искосена тревата.

FotorCreated

Се средуваше игралиштето во с. “Велгошти” пред почетокот на турнирот за мал фудбал, и се косеше во с. “Долно Лакочереј”.

FotorCreated1

Се уреди и на улиците “Ванчо Питошески” и на пресекот на ул. “Крум Точков” со ул. “Гоце Делчев”.

 

FotorCreated2 FotorCreated3

 

Од активностите на Ј.П. Охридски Комуналец

Редовното одржување на парковите и зеленилото со цел разубавување на градот како тековна работа се дел од приоритетите на “Ј.П. Охридски Комуналец” како во зимскиот период, така и во текот на сезоната. Екипите се секојдневно ангажирани со наводнување, косење на тревата и садење на нови садници во парковите низ центарот на градот, на кружните текови и низ целото крајбрежје.

FotorCreated FotorCreated1

Покрај овие активности, “Ј.П. Охридски Комуналец” хортикултурно се погрижи и за изгледот на античкиот “амфитеатар”, каде ке се одржуваат настапи од фестивалот “Охридско лето”.

FotorCreated2

Косење во с. Пештани

Денес екипите на “Паркови и зеленило” при “Ј.П. Охридски Комуналец” беа повторно ангажирани во с. “Пештани” со косење и чистење на зараснатите тревни површини кои ја намалуваа прегледноста на главната улица и пристапноста до плажите.

FotorCreated FotorCreated1

Чистење на патот према с. Завој

Во изминативе денови екипите на “Паркови и зеленило” при “Ј.П. Охридски Комуналец” беа ангажирани на расчистување на патот кој води до селото “Завој”, со цел да се зголеми прегледноста за движење на возилата. Беа ангажирани 5 работници за косење на тревата и сечење на трњето покрај коловозот, при што беа отстранети големи количини на зелен отпад.

FotorCreated Fotor_146822766107824

Хортикултурно се уредуваше влезот на градот

Денес екипите на “Ј.П. Охридски Комуналец” хортикултурно го уредуваа просторот на влезот на градот, кај бензинската “Лукоил”, каде што беа посадени зимзелени и декоративни садници.

FotorCreated FotorCreated1

Уредување кај Антички театар

Во текот на вчерашниот ден и денес екипите на “Паркови и зеленило” при “Ј.П. Охридски Комуналец” покрај тековните активности на уредување и наводнување на парковите и кружните текови, по барање на жителите на стариот дел на градот и комуналната инспекција, како и поради почетокот на “Охридско лето” беа ангажирани со средување на просторот покрај “Античкиот театар”, каде што беше опфатено расчистување на трње и отпад, и косење на зараснатата трева.

FotorCreated

FotorCreated1

Соопштение

Ј.П. “Охридски Комуналец” Охрид ги известува граѓаните на територијата на општина Охрид дека почнувајќи од 01.07.2016 година комуналниот отпад ке го подига со почеток во 06:00 часот.

Граѓаните се должни комуналниот отпад да го изнесат до 06:00 часот во деновите определени за подигање на сметот на местата одредени за таа цел.

Чистење на кејот

Поради високиот водостој на езерото големи количини на езерска алга (окрек и реса) беа исфрлени на градскиот кеј, при што екипите на “Ј.П. Охридски Комуналец” работеа на расчистување на истото во вчерашниот и денешниот ден на потегот од градското пристаниште, се до хотелот “Милениум”, а останатото кое пливаше во езерските води исто така беше извадено и собрано од страна на вработените на “Јавна хигиена”. Отпадот беше натоварен со трактор и тоа во вчерашниот ден поради невремето и ограничениот пристап беше натоварен еден трактор, а денес беа собрани два трактори. Ке продолжиме и во утрешниот ден со почеток од 5:00 часот, во рамките на можностите кои ке ги дозволи самото време. Во наредните 2-3 месеци нормало е цутење и таложење на езерската алга при што нашите екипи ке продолжат континуирано и тековно да работат на расчистување на истата.FotorCreated FotorCreated1