Денес нашите екипи беа ангажирани во расчистување на дива депонија на ул.„Крали Марко”. Ангажирана е и специјална механизација во подигнување на енормни количини кабаст отпад, зелен отпад, градежен шут и расфрлан комунален отпад од околното населeние.

Нашите екипи со вонредни активности за одржување на јавната чистота

🧹 Генерално чистење на ул.„Железничка„ и ул.„15-ти Корпус„

Темелно се расчистуваа тротоарите, просторот околу тротоарите, граничниците од коловозите и делот помеѓу двете сообраќајни ленти. Отстранети се наносите од песок и земја, ниската вегетација и  подигнат е расфрланиот отпад.

🚜  Расчистена уште една мапирана дива депонија во близина на с.Велгошти

♻ Подигнати големи количини тешко разградлив отпад и сува трска од водите на Охридско Езеро во близина на Холандски Парк

Нашите екипи интервенираат на повеќе локации за подигнување на јавната чистота. Опфатени се локации како во централното градско подрачје, така и во руралните средини и туристички локалитети

расчистена дива депонија с.Косел

се интервенираче на јавните површини  во с.Трпејца

расчистување на крајбрежниот појас локалитет Горица

расчистена дива депонија во близина на Античкиот Театар

За надминување на проблемите кои граѓаните на општина Охрид ги имаат околу собирањето на кабаст и зелен отпад, Ј.П.„Охридски Комуналец” изготви годишен календар на акциите за подигање ваков вид отпад, опфаќајќи ја секоја урбана заедница во градот.

Со надеваме дека граѓаните ќе ги препознаат нашите заложби за чиста и здрава средина која не опкружува, без отпад одложен покрај садовите за одложување на комунален отпад и ќе се придржуваат до горе дефинираната динамика на акциите.

Овој пат покуќнина заврши во водите на р.Грашница по нејзиното течение по ул.„Ариф Мустафа”. Со ангажирање на специјална механизација кабастиот отпад е подигнат од речното корито.

Се интервенираше и кај мостот на р.Сушица, на пресекот со ул.„15-ти Корпус”, каде се подигнати големи количини тешко разградлив отпад и разновиден шут.

Екипите на Ј.П.„Охридски Комуналец„ го расчистија просторот под црквата Св.Богородица Перивлепта од несоодветно депониран отпад.

Иако не се работи за јавна површина, во интерес на граѓаните и сите туристи кои го посетуваат овој локалитет, пристапивме кон расчистување на расфрланиот комунален отпад, зелен отпад и разновиден шут.

Денес се спроведе акција за расчитување на локалитетот Горна Порта каде се опфатени пристапните патеки околу ѕидините на Самоиловата Тврдина и шумскиот појас на овој потег. Подигнати се големи количини расфрлан комунален отпад.

Екипите на „Паркови и зеленило” продолжија со активностите за тековно одржување на дрворедот по ул.„Булевар Tуристичка”.  Се интервенира на потегот од кружниот тек кај гимназијата до пресекот со ул.„Даме Груев”.

Упатуваме апел до граѓаните, заради безбедно спроведување на активностите, да се воздржат од паркирање на автомобили на овој потег во периодот 08.00 часот-13.00 часот секој работен ден  до 10.03.2022 година.

Екипите на Ј.П.„Охридски Комуналец” расчистија уште две мапирани депонии на територијата на општина Охрид.

расчистена дива депонија во близина на ЈЗУ Специјална болница за ортопедија и трауматологија „Св.Еразмо”

расчистена дива депонија на ул.„Марко Цепенков”

Согласно Програмата за работа за 2022 год. се спроведоа активности за тековно одржување на јавната чистота на јавните површини во селата Велгошти и Лескоец.

Екипите на Ј.П.„Охридски Комуналец” расчистија уште една мапирана дива депонија на ул.„Ристо Чадо”. Подигнати се огромни количини кабаст отпад и друг вид комунален отпад кој несовесни граѓани и околното население го расфрлиле на оваа локација.

Екипите на Ј.П.„Охридски Комуналец” пристапија кон машинско расчистување на речното корито на р.Сушица, како и подигнување на расфрланиот тешко разградлив отпад во околниот простор од коритото. Се расчистува потегот од пресекот со ул.„Живко Чинго”  до пресекот со ул.„Железничка”.

Со оваа активност ќе се спречи сиот овој отпад да заврши во водите од Охридско Езеро, а се надеваме дека загадувачите ќе бидат санкционирани.