Општина Охрид денес организира акција за чистење на повеќе локации на територијата на општина Охрид во која активно учество зедоа вработените од сите јавни претпријатија. И покрај дождливиот ден акцијата беше масовна ,а секое јавно претпријатие беше задолжено за расчистување на однапред дефинирана локација.  Ј.П.„Охридски Комуналец„ имаше поставено координатори и организатори на секоја точка  и  обезбеди кеси за собирање на отпадот.

Се расчистуваше   просторот околу објектот на О.У.„Св.Климент Охридски“ во населба Даљан од расфрлан отпад и се искоси тревата околу училиштето.

Се расчистуваше  потегот од вливот на р. Грашница до хотел„Мизо“ од расфрлан ситен комунален отпад.

Се расчистуваше расфрланиот отпад (пластични шишиња, кеси , картонска амбалажа и др.) од скалите и Спомен-паркот на револуција и околу ул.„Јордан Мијалков“ (кај комплексот згради).

Се расчистуваше  потегот околу магистралниот пат  Охрид-Св.Наум на делот од Хидробиолошки завод до населба Св.Стефан од расфрлан комунален отпад, потоа  се започна со косење на тревниот дел помеѓу двете коловозни ленти на овој дел и се расчистуваше пешачката патека канал Студенчишта до х.Парк.

Ј.П.„Охридски Комуналец“-Охрид обезбеди и специјално возило за расчистување на мини депонии и црни точки во 8.ма урбана заедница „Билјанини Извори„ и подигање на кабаст отпад.

Од сите горенаведени локации се подигнаа кесите со расчистениот отпад.Оваа акција е одличен пример како  преку тимска работа да ја демонстрираме личната одговорност за зачувување и разубавување на животната средина. Треба  сите да бидеме екологисти и преку заедничко дружење да  постигнеме повисока цел- здрава животна средина.