Според метеоролошката прогноза за снежни врнежи во текот на ноќта, дежурните служби од Комуналец  кои беа во приправност излегоа на терен во ноќните часови од 3,30 часот. Со специјалните возила посипани  се 7 м3 абразивни средства по главните сообраќајници во градот. Екипите на Јавна хигиена излегоа на терен од 5.00 часот и рачно го расчистуваа снегот од градската чаршија, тротоарите и патеките во стариот дел од градот. Посебен акцент се стави на локациите каде според свечената програма ќе се празнува Заштитникот на градот Охрид-Св.Климент Охридски (градскиот плоштад, просторот околу О.У.Св.Климент Охридски и патеката до Плаошник).