Деновиве екипите на „Паркови и зеленило„ започнаа со засадување на сезонско цвеќе од видовите: петунија, салвија, импатиенс, тагетес, винка, сардела и др. Со овие садници кои се од сопствениот расадник  ќе се разубават парковите во летниот и есенскиот период, а планирано е да се украсат парковите со околу 30.000 садници. Со комбинацијата од бои, партерни елементи, украсни садници и декоративни саксии за цвеќа ќе се испратат нови цветни разгледници од Охрид овековечени во фотографиите на странските туристи.