Денес дел од екипите на Ј.П. “Охридски Комуналец”, покрај тековните активности, беа ангажирани на уредување на повеќе локации. О.У. “Христо Узунов” хортикултурно се уредуваше, се косеше тревата во дворот и се кастреше неуредната вегетација пред почетокот на школската година. Се чистеше отпад и се косеше тревата на тротоарите околу училиштата “Братство Единство” на ул. “Стив Наумов” и на ул. “7ми Ноември”, како и околу градинката на ул. “Пере Тошев”, а освен тие улици беа опфатени со косење и чистење и улиците “Ариф Мустафа”, “Аџи Мустафа”, “Бистрица”, “Шар Планина” и “Никола Петров Русински”.